Muling umingay sa social media ang pangalan ni Christian Sariol matapos mag-viral ang isang video kung saan makikitang sinasakal siya ng isang security guard.
Kasabay nito, kumalat din ang maling impormasyon na umano’y pumanaw na siya. Dahil dito, napilitan si Christian na magsalita sa pamamagitan ng isang video upang linawin ang lahat.
“Hello guys, ako nga pala si Christian. ‘Yung nag-viral na sinakal nung guard,” panimula niya sa kanyang pahayag. “Guys, hindi pa ko pat*y. Totally matagal na ang video na ‘yun. Ang video na ‘yun, pinost ‘yun before pero hindi nag-viral. Last year pa siya ng July.” Ayon kay Christian, ang insidente ay nangyari pa noong Hulyo 2023 at matagal na umano niyang napagbayaran ang kanyang pagkakamali.
Dagdag pa niya, “Nung time na ‘yun, nadetain ako ng one month. Napagdusahan ko na ang ginawa ko.” Malinaw ang kanyang intensyon sa video—hindi upang magpalusot, kundi upang itama ang maling balitang lumalaganap na siya ay wala na. Ang tapat na tono ni Christian ay umani ng samu’t saring reaksyon mula sa netizens—may mga naawa, may mga natuwa, at may mga nanawagan ng respeto sa kanyang pagbabagong-buhay.
Christian Sariol, nagsalita na matapos kumalat ang video ng pagkakasakal niya—“Buhay na buhay pa po ako, guys!
Ang insidente ay umikot muli sa internet matapos itong mai-reupload sa ilang content-sharing platforms, ngunit sa pagkakataong ito ay may kasamang haka-hakang wala na si Christian. Dahil dito, napatunayan na naman kung paanong ang social media ay maaaring makapagpalaganap ng maling impormasyon kung hindi ito wasto o beripikado.
Sa kabila ng mga pangyayari, nananatiling positibo si Christian Sariol. Ayon sa kanya, nagsisilbi itong leksyon hindi lamang sa kanya kundi pati na rin sa publiko pagdating sa pagbabahagi at pagtanggap ng impormasyon online. “Buhay na buhay pa po ako, guys,” pagtatapos niya.
No comments:
Post a Comment