VP Sara Duterte May Mensahe sa mga Pilipino na Bumuto sa Kanya Noong 2020 Elections

 

Noong Disyembre 2024, humingi ng paumanhin si Pangalawang Pangulo Sara Duterte sa mga mamamayang nag-aalala sa kanyang sitwasyon, lalo na sa mga senior citizen. 

Photo: Facebook/Sara

Sa isang panayam, sinabi niya, "Humihingi ako ng pasensya sa stress lalo na sa mga senior citizen. Marami akong nakakasalamuha o nakikita sa daan na nagsasabi sa akin na: 'Nai-stress kami sa mga ginagawa sa’yo'." Dagdag pa niya, hindi niya nais na umabot sa ganitong sitwasyon ngunit bahagi ito ng buhay ng isang politiko. 

Ang paghingi ng paumanhin ni VP Sara ay kasunod ng mga isyung kinakaharap niya noong panahong iyon, kabilang ang usapin ng confidential funds ng Office of the Vice President (OVP), subpoena mula sa National Bureau of Investigation (NBI), at impeachment complaint na inihain laban sa kanya sa Kamara. 

Sa kabila ng mga kontrobersyang ito, nagpahayag ng suporta ang kanyang mga tagasuporta sa pamamagitan ng "Protect VP Sara Ride" sa Davao, Cebu, at iba pang bahagi ng bansa. Nagpasalamat si Duterte sa kanilang patuloy na suporta, na aniya'y nagpapalakas ng kanilang loob at nagpapadama ng pagmamahal mula sa mga kababayan. 

Samantala, noong Nobyembre 2024, naging laman ng balita ang diumano'y pagmumura ni VP Sara kina Pangulong Bongbong Marcos, Unang Ginang Liza Marcos, at House Speaker Martin Romualdez. Ito ay matapos niyang ipahayag ang kanyang saloobin habang nasa opisina ng kanyang kapatid na si Davao First District Representative Paolo Duterte, kaugnay ng pagkaka-detain ng kanyang chief-of-staff na si Zuleika Lopez sa Kamara matapos mabigyan ng contempt order noong Nobyembre 20, 2024. 

Ang mga pangyayaring ito ay nagdulot ng iba't ibang reaksyon mula sa publiko at mga opisyal ng gobyerno, na nagbigay-diin sa kahalagahan ng transparency at accountability sa pamahalaan. 

Ayon kay Duterte, may isang lalaki pa raw na senior citizen na nagsabi sa kanya, “Sabi niya, alam mo, ‘na-scam’ kami dahil sa iyo. Lalaki po… senior ba? So sabi ko na lang, ‘Pasensya na, sir. Pasensya na.’”

“Akala ko kasi, ito na naman tayo sa maling akala. Akala ko kasi, gusto niya ng mas magandang bayan, mas maayos na Pilipinas, kung ano yung pinagdaanan natin noon,” sabi ni Duterte. Hindi niya tinukoy ang pangalan ng mga kasamahan niyang tinutukoy sa kanyang pahayag.

“Kasi, ang plataporma namin noong tumakbo kami, unity at continuity. Nabudol ako,” ani Duterte.

“Yun yung kailangan kong ihingi ng pasensya sa inyong lahat. Pero dahil sabi nga ni Pastor Quibuloy, dapat lang siguro mangyari ang mga nangyayari para makita natin. Kawawa lang siguro ang mga tao, ang bayan. Pero, if we talk about the divine, maybe there is a reason for what is happening,” sinabi ng Bise Presidente.