Mukhang naging tampulan na naman ng kontrobersiya ang isang simpleng morning greeting post ng aktres na si Jasmine Curtis-Smith matapos itong bigyan ng ibang kahulugan ng ilang netizens. Sa kanyang tweet noong umaga ng Marso 12, isinulat niya ang, "Sana masarap ang almusal ng lahat."
Bagama't isang karaniwang pagbati ito, may ilang netizens, partikular na mula sa hanay ng mga die-hard supporters ng dating administrasyon (DDS), ang nag-akusang may "double meaning" umano ang post ng aktres. Ayon sa kanila, ito raw ay patama sa kanilang iniidolong si dating Pangulong Rodrigo Duterte, na kasalukuyang nahaharap sa paglilitis sa International Criminal Court (ICC).
Hindi nagtagal ay kinuyog ng mga loyalistang netizens si Jasmine, pinuna ang kanyang post, at tinawag siyang "biased" at "bayaran." May ilan pang nagbanta na ibo-boycott ang kanyang mga proyekto, kahit hindi naman talaga siya endorser ng kanilang mga inaakusahan.
Samantala, may mga tagasuporta rin ang aktres na dumepensa sa kanya. Ayon sa isang fan, "Ano ba 'yan? Wala na lang bang puwedeng i-post na hindi nalalagyan ng kulay? 'Sana masarap ang almusal' lang 'yun, hindi naman 'Sana masarap ang pagka-aresto ng matandang kupal.'"
Sa kabila ng ingay sa social media, hindi na nagbigay ng dagdag na paliwanag si Jasmine Curtis-Smith tungkol sa kanyang tweet. Bagkus, nagpatuloy lang siya sa pag-promote ng kanyang mga upcoming projects.
Patunay lamang ito kung paano kahit ang pinaka-inosenteng pahayag ay nagiging political issue sa mata ng mga taong laging naghahanap ng kontrobersiya.
No comments:
Post a Comment