Sa isang kamakailang press conference, diretsahang sinagot ni Willie Revillame ang mga batikos na nagsasabing wala siyang sapat na kaalaman para maging senador sa darating na 2025 halalan.
Photo: Facebook/Willie
Ayon sa ulat ng ShowBiz Chika, binigyang-diin ni Willie ang kanyang malalim na koneksyon sa mga karaniwang Pilipino sa loob ng 27 taon bilang TV host.
Aniya, "27 years na akong nakikinig sa kanila, nakikiramdam kung ano ang dapat gawin. And I guess this is the right time for me." Ipinahayag niya na panahon na upang palawakin ang kanyang pagtulong, hindi lamang sa pamamagitan ng pamimigay ng mga premyo sa studio, kundi sa mas malawak na saklaw.
Sa harap ng mga akusasyong wala siyang alam, matapang na sinabi ni Willie, "Sabi nga nila wala nga daw akong alam. Tama naman sila lahat eh, wala akong alam na mang-api ng kapwa ko. Wala akong alam na mang-isa ng bawat Pilipino. Wala akong alam na magnakaw."
Dagdag pa niya, "Ang alam ko lang ay makagawa ng kabutihan sa mga nangangailangan nating kababayan." Ipinunto ni Willie na, bilang isang taong nagmula rin sa hirap, nauunawaan niya ang damdamin ng masa at nais niyang gamitin ang kanyang posisyon upang makatulong nang higit pa.
Ang mga pahayag na ito ni Willie ay naglalayong patunayan na ang kanyang karanasan at malasakit sa kapwa ay sapat na batayan upang magsilbi bilang isang mambabatas na tunay na maglilingkod sa bayan.
Anong masasabi mo mga kapamilya?
No comments:
Post a Comment