Ang hindi pa natatapos na sigalot sa pagitan nina Claudine Barretto at Angelu de Leon ay muling naging usap-usapan matapos ang diretsahang pahayag ni Angelu sa programa ni Boy Abunda.
Photo: Facebook/ Claudine
Ayon kay Angelu, taliwas sa sinabing pag-abot ni Claudine para magkaayos sila, wala pa umanong naganap na kahit anong pagtatangkang makipag-usap ang aktres sa kanya.
Sa episode ng Fast Talk with Boy Abunda, tinanong si Angelu tungkol sa isyu sa pagitan nila ni Claudine. "There was this issue—Claudine spoke about not wanting to work with you for some reason. And then there’s another statement where she said she regretted it. I hope my narrative is correct. But she claimed she tried reaching out to you,” ani Tito Boy. Agad namang sinagot ni Angelu, "There hasn’t been an opportunity, but I’m still hoping that time will come."
Lumabas ang isyu noong Enero 2024, sa 20th anniversary celebration nina Gladys Reyes at Christopher Roxas, kung saan tinanong si Claudine sa stage kung handa siyang makipag-reunion project kasama sina Judy Ann Santos at Angelu. Sa kabila ng kasiyahan ng gabi, mabilis na sumagot si Claudine, "No, no, no. Just you, me, and Juday. No Angelu."
Kalaunan, nagpahayag ng pagsisisi si Claudine sa naging pahayag niya sa panayam kay Ogie Diaz. "I regret what I did. I’ve been trying to contact Angelu," aniya. Ayon kay Claudine, ang kanyang unang pahayag ay dala ng matinding emosyon dahil sa umano’y pagbanggit ni Angelu ng mga bagay tungkol sa kanyang buhay na hindi niya nais na pag-usapan. Sa kabila ng pagsisisi, nanindigan si Claudine na hindi siya handa makipagtrabaho kay Angelu. "It’s different when I talk to her. I have no anger; I just don’t want to."
Samantala, nananatiling positibo si Angelu at umaasang magbabago ang takbo ng kanilang relasyon. “She lied; she didn’t reach out to me. But I’m still hopeful that time will come,” ani niya. Para kay Angelu, ang pagkakaibigan ay mahalaga pa rin, at naniniwala siyang posible ang pagkakaayos sa tamang panahon.
No comments:
Post a Comment