Andrea Del Rosario, Binasted Noon ang Hollywood Superstar na si Vin Diesel?

 

Andrea Del Rosario, Binasted Noon ang Hollywood Superstar na si Vin Diesel?

Usap-usapan ngayon ang rebelasyon ni Andrea Del Rosario tungkol sa naging encounter niya sa Hollywood action superstar na si Vin Diesel. Sa programang *Lutong Bahay*, tinanong siya ng co-host na si Mikee Quintos kung sino ang showbiz personality na nabasted niya. Sa una, tila pabiro niyang sinagot ang tanong ngunit kalaunan ay kinuwento niya ang kanyang karanasan.

Ayon kay Andrea, nakilala niya si Vin Diesel sa isang bar kung saan in-approach siya ng bodyguard ng aktor na nagsabing gusto siyang makilala ni Vin. Sa kanilang unang pagkikita, imbitado si Andrea sa isang house party ng aktor. “Basically we walked around, and then may lumapit ulit sa akin, ‘yung bodyguard niya ulit, in-invite niya kami na pumunta sa house party niya,” ani Andrea.

Nagkaroon sila ng ilang pagkakataon na magkausap at magkasama sa mga house party, ngunit hindi naging malalim ang kanilang ugnayan. Paliwanag ni Andrea, “May mga kuwentuhan kami, moments-moments, ganyan. Ayun na ‘yun. And then, kinailangan ko na umuwi sa Philippines.”

Bagamat tila may posibilidad para sa mas malalim na koneksyon, nanatili itong simpleng encounter. Sa ngayon, ang kwentong ito ay isang nakakaaliw na detalye sa buhay ng dating Viva Hot Babes member na nagpapakita ng kanyang pagiging grounded kahit pa may pagkakataong ma-involve sa isang Hollywood star.

Photo: Andrea and Vin Diesel/Facebook