Andrea Brillantes, Balik-Edukasyon? Actress Balak Magbalik sa College Pagkatapos ng Tinatamasang Successful Career sa Showbiz!
Photo: Andrea/Facebook
Sa gitna ng kanyang matagumpay na showbiz career, inamin ni Andrea Brillantes ang kanyang hangaring balikan ang pag-aaral at makapagtapos ng kolehiyo sa hinaharap.
Sa isang panayam, ibinahagi ng 21-anyos na aktres ang kanyang pangarap na pumasok sa isang UAAP school, bagamat hindi pa niya tinutukoy kung saan, dahil ayaw niyang maudlot ang kanyang plano. **“Education is important, and I want to make sure I do it at the right time,”** ani Andrea.
Napag-usapan din ang desisyon niyang itigil ang pag-aaral noong nagkasunud-sunod ang kanyang mga proyekto, kabilang na ang **"Kadenang Ginto"**, kung saan naging tanyag siya bilang Marga. Bagamat mahirap, sinabi niyang kailangan niya itong gawin upang mas maisulong ang kanyang career.
Ngayon, inspirasyon niya ang kanyang mga kaibigang sina Bea Borres, na nag-aaral sa Ateneo de Manila University, at Awra Briguela, na naka-enroll naman sa University of the East. Sa kabila ng abala niyang schedule, buo ang determinasyon ni Andrea na balikan ang pag-aaral sa tamang panahon.
Paalala pa ng aktres sa kanyang fans, mahalaga ang edukasyon, ngunit dapat gawin ito ayon sa sariling layunin at hindi dahil sa panlabas na pressure. **“Follow your dreams, but never forget the importance of learning and growing,”** ani Andrea.
No comments:
Post a Comment