Sa isang episode ng vlog ni Dr. Aivee Aguilar Teo, ibinahagi ni Bea Alonzo ang kanyang mga saloobin tungkol sa paggawa ng new year's resolution para sa darating na taon.
Ayon sa aktres, hindi na siya gagawa ng bagong resolusyon para sa 2025 dahil mas nais niyang isabuhay na lang ang mga layunin at pagbabago na gusto niyang matamo sa sarili.
Ipinaliwanag ni Bea na hindi na siya maghihintay pa ng pagsisimula ng taon upang simulan ang kanyang mga plano. Sinabi niya, "As soon as maybe today, I’d like to live by those resolutions already. It doesn’t matter if it’s the start of the year or not." Dagdag pa niya, may mga layunin siyang nais matupad sa 2025 at handa siyang magsikap upang makamit ang mga ito.
Sa kabila ng mga hamon ng nakaraang taon, natutunan ni Bea na magtiwala sa Diyos lalo na kung ang mga plano niya ay hindi umaayon sa kanyang mga nais. Ibinahagi rin niya na ang 2024 ay naging pinakamahirap na taon ng kanyang buhay, ilang buwan matapos nilang ipahayag ng kanyang ex-fiancé na si Dominic Roque ang kanilang hiwalayan.
Sa kabila ng mga pagsubok, nakikita ni Bea ang kanyang mga karanasan bilang oportunidad upang magbago at maging mas matatag sa mga hamon ng buhay. Ang kanyang mensahe ay nagsisilbing paalala na hindi laging madaling magpatuloy sa buhay, ngunit ang determinasyon at tiwala sa Diyos ay makakatulong upang malampasan ang anumang pagsubok.
No comments:
Post a Comment