AiAi Delas Alas, Hiniwalayan ng Asawa sa Isang Text, Umani ng Simpatya mula sa Netizens
Photo: AiAi/FB
Maraming netizens ang nakaramdam ng awa at simpatya para sa komedyanteng si AiAi Delas Alas matapos lumabas ang balitang hiniwalayan siya ng kanyang asawang si Gerald Sibayan sa pamamagitan lamang ng isang text message. Marami ang nadismaya sa naging paraan ng pakikipaghiwalay ni Sibayan, lalo na't hindi man lang umano siya naglaan ng panahon upang makipag-usap ng personal sa komedyante, na naging bahagi ng pag-abot niya sa kanyang pangarap na maging piloto.
Nag-trending ang iba't ibang opinyon at puna mula sa mga netizens. Karamihan ay nagpapahayag na ginamit lang daw si AiAi, at naging marupok siya sa pagmamahal sa isang mas bata. May mga nagsabi ring "Halatang ginamit lang si AiAi," at "Dapat kasi hindi siya nag-asawa ng bata," na nagpapakita ng kanilang pag-aalala at pagkadismaya sa naging kalagayan ng komedyante.
Samantala, tahimik pa rin si AiAi sa mga usap-usapan, subalit patuloy ang suporta ng kanyang mga tagahanga at netizens para sa kanya. Maraming nagsasabing sana ay maka-recover siya agad sa pinagdadaanan at maging mas matatag sa bagong kabanata ng kanyang buhay.
No comments:
Post a Comment