Ryan Bang, Nagbalik-Tanaw sa Hirap ng Pag-aaway ng Magulang: 'Nawala Yung Hope Ko'

Sa isang emosyonal na interview para sa "Magpasikat 2024" performance, ibinahagi ni Ryan Bang ang kanyang masakit na karanasan sa pagkabata habang kinikuwento ang pag-aaway ng kanyang mga magulang.

Photo: ABS-CBN It’s Showtime/YouTube

 Ayon kay Ryan, noong siya’y nasa grade school pa lang, halos araw-araw niyang ipinagdarasal na magkasundo ang kanyang mga magulang, ngunit nauwi ito sa kanilang paghihiwalay. "Nung grade 4, grade 5, sobrang away eh. Nag-decide na sila, wala eh, divorce. Hindi sinagot yung prayer ko kay God, nawala yung hope ko du’n," kwento ni Ryan, na naging emosyonal habang inaalala ang masalimuot na bahagi ng kanyang buhay.

Sa kabila ng mapait na alaala, muling nahanap ni Ryan ang pag-asa sa isang hindi inaasahang pagkakataon. Nang makilala ng kanyang mga magulang ang nobya niyang si Paola at nagsalo sa isang masayang dinner, doon niya nakita ang muling pagbabalik ng ngiti sa mukha ng kanyang ina. "Sobrang saya ko, nakita ko si Mommy, tumatawa sa joke ng Daddy ko," ani Ryan, na nagpapakita ng kislap ng pag-asa sa muling pagkakasundo ng kanyang mga magulang.

Natanong ni Vice Ganda kung ano ang mga inaasahan ni Ryan sa ngayon. Ibinahagi ng TV host ang kanyang pinakahinihinging dasal—na magkasama ang kanyang pamilya sa Manila. "May nakikita ako na posible pala. May pag-asa, yung hope ko," sabi ni Ryan, puno ng optimismo para sa hinaharap.

Tunay na nakakaantig ang kwento ni Ryan Bang, na nagpapakita na sa kabila ng mga pagsubok, laging may liwanag ng pag-asa na pwedeng muling bumalik sa ating buhay.