Rendon Labador May Banat kay Carlos Yulo

 

Sa isang post na umikot sa social media, kapansin-pansin ang komento ni motivational speaker na si Rendon Labador patungkol sa gymnast na si Carlos Yulo. 

Photo: Carlos and Rendon/FB

Sa kanyang komento, hinikayat ni Rendon si Carlos na magbagong buhay at isaalang-alang ang kanyang relasyon sa kasintahan, si Chloe San Jose. Ayon kay Rendon, mas makabubuti para kay Carlos na iwan si Chloe at bumalik sa kanyang pamilya, partikular sa kanyang ina na nagbigay ng buhay sa kanya.

Sa kanyang mensahe, inalala ni Rendon ang sarili niyang karanasan sa pagsubok na walang sumusuporta sa kanya. Ibinahagi niya na tulad ni Carlos, iniwan niya rin ang kanyang pamilya noon, ngunit ngayon ay nagsusumikap na itama ang kanyang mga pagkakamali. Ani ni Rendon, "Balewala ang mga medalya mo kung wala ka namang pamilya." Pinayuhan pa niya si Carlos na iwanan ang babaeng maaring sumira sa kanyang buhay at bumalik sa kanyang ina.

Nag-iwan pa ng matapang na payo si Rendon sa dulo ng kanyang mensahe, "Payong kuya lang yan. Magbago ka na hanggang may pagkakataon ka pa." Maraming netizens ang nagtatanong ngayon kung sang-ayon sila sa payo ni Rendon Labador o kung mas nararapat na si Carlos ang magdesisyon para sa kanyang personal na buhay.

**Sang-ayon ka ba sa payo ni Rendon Labador?**