John Prats, Diumano Di Makamoveon kay Heart Evangelista kahit Pamilyado na ito

 

John Prats, Babalik Lamang sa Pag-arte Kung Si Heart Evangelista ang Makakatambal!

Photo: John/FB

Matapos matagumpay na pag-transition mula sa pag-arte patungo sa concert directing, inamin ni John Prats na mas nag-eenjoy siya ngayon sa likod ng kamera. Mas challenging para sa kanya ang pagiging direktor, at aminado rin siyang mas malaki ang talent fee sa directing kumpara sa pag-arte.

Ngunit nang tanungin kung ano ang magpapabalik sa kanya sa pag-arte, diretsahang sinabi ni John na ang tanging kundisyon niya ay kung makakagawa siya ng proyekto kasama ang ex-girlfriend na si Heart Evangelista. Matatandaan na naghiwalay ang dalawa noong 2003 dahil sa busy schedules at career focus. Ngayon, tila bukas si John na muling makasama si Heart sa isang proyekto, lalo na't marami pa rin ang John-Heart fans.

Sa isang eksklusibong panayam, sinabi ni John na maaaring maging interesting ang isang reunion project nila ni Heart, lalo na’t marami na ang nangyari sa kanilang mga buhay. Hindi pa rin sigurado kung magiging aktor lang siya o magiging artista-direktor sa proyekto, ngunit nagpakita siya ng interes na magbalik sa pag-arte kung makakatambal si Heart.

Bagama’t wala na silang komunikasyon ngayon, umaasa si John na posibleng mabuksan ang pagkakataon sa pamamagitan ng kanyang asawa, si Isabel Oli, na malapit na kaibigan ni Heart.