Biglaang nawala ang mga lumang episodes ng "Eat Bulaga!" sa kanilang opisyal na YouTube channel, dahilan upang ikalungkot ng maraming netizens na matagal nang sumusubaybay sa programa. Ang higit isang dekada ng kasaysayan ng sikat na noontime show ay tila nabura, na nagdulot ng panghihinayang sa mga tagahanga.
Photo: Eat Bulaga/YT
Kabilang sa mga hindi makakalimutang episodes na nawawala sa YouTube channel ay ang iconic moments tulad ng pagkahulog ni Jose Manalo sa kanal, mga episodes ng "Kalyeserye" na nagpasikat sa AlDub love team, at ang record-breaking "Tamang Panahon" concert na ginanap sa Philippine Arena. Marami ang nalungkot sa pagkawala ng mga ito dahil bahagi sila ng kasaysayan ng telebisyon sa bansa.
Sa ngayon, wala pang opisyal na pahayag kung sino ang nagtanggal ng mga nasabing episodes mula sa channel. Gayunpaman, maraming netizens ang bumabatikos at sinisisi ang TAPE Inc., dahil sila ang huling may kontrol sa Eat Bulaga YouTube Channel account bago pa man nagkaroon ng mga pagbabago sa pamunuan ng programa. Patuloy na naghihintay ang mga tagasubaybay ng mas malinaw na impormasyon hinggil sa pagkawala ng mga minamahal nilang episodes.
.svg.png)
.svg.png)
No comments:
Post a Comment