Carlos Yulo, Opisyal nang Miyembro ng Philippine Navy Reserve Force

 

Opisyal nang miyembro ng Philippine Navy Reserve Force si Carlos Yulo matapos sumailalim sa oath-taking ceremony noong Lunes, Setyembre 30. Sa nasabing seremonya na ginanap sa Philippine Navy headquarters, iginawad kay Yulo ang ranggong Petty Officer 1st Class, isang mataas na karangalan para sa isang atleta.

Photo: Carlos/FB

Sa kanyang pahayag, ipinahayag ni Yulo ang kanyang labis na pagkatuwa at pagmamalaki sa bagong responsibilidad. "I am proud to have the privilege of being enlisted in the Philippine Navy Reserve Force, a recognition I never expected in my lifetime," ani niya, na nagpapakita ng kanyang pagpapahalaga sa tiwalang ipinagkaloob sa kanya ng Navy.

Ang pagsali ni Yulo sa hanay ng Philippine Navy ay itinuturing na isa pang patunay ng kanyang dedikasyon at pagmamahal sa bansa, na nagiging inspirasyon hindi lamang sa larangan ng palakasan kundi pati na rin sa serbisyo publiko.