Carlos Yulo Nakabingwit ng Bagong Endorsement ng EastWest Bank

 

Panibagong tagumpay ang natamo ni Carlos Yulo, ang two-time Olympic gold medalist, matapos siyang hirangin bilang bagong brand ambassador ng EastWest Bank. Inanunsyo ng bangko ang balitang ito noong Lunes, September 30, 2024, sa kanilang mga social media platforms. Sa mga post, ibinahagi nila ang mga larawan ng launching event at ang mainit na pagtanggap kay Yulo bilang bagong bahagi ng kanilang pamilya.

Photo: Carlos/FB

Sa caption ng post, ipinahayag ng EastWest Bank ang kanilang kasiyahan sa pagkakaroon ng isang world-class athlete tulad ni Yulo. Ayon sa kanila, "We're flipping with excitement to welcome two-time Olympic Gold medalist Carlos Yulo to the EastWest family!" Pinuri rin nila ang abilidad ni Yulo, hindi lang sa gymnastics, kundi pati sa pagiging mahusay sa paghawak ng kanyang mga pinansyal na obligasyon—katulad ng husay niya sa mga performances sa entablado.

Hindi rin nakaligtas sa mata ng publiko ang naturang hakbang ng EastWest Bank. Habang maraming tagasuporta ni Carlos ang natuwa sa kanyang bagong endorsement, hindi rin maiiwasan ang mga bumatikos. Gayunpaman, nananatiling positibo ang pagtanggap ng karamihan, lalo na ng mga humahanga sa dedikasyon at tagumpay ni Yulo sa loob at labas ng kanyang karera sa sports.