Angelica Yulo, Proud Mom sa Pagsisimula ng Training ng Kanyang Dalawang Anak sa Japan!

 

Masayang ibinahagi ni Angelica Yulo ang milestone ng kanyang mga anak, sina Eldrew at Elaiza, na nagsimula na ng kanilang training sa Japan. 

Photo: Angelica/FB

Sa ilalim ng prestihiyosong gabay ni Coach Munehiro Kugiyama, nakatakdang sumabak ang magkapatid sa mas matinding pagsasanay upang mapalawak pa ang kanilang kakayahan sa gymnastics.

"Lezzgo kiddoss!" ang nakakatuwang caption ni Angelica sa isang post, na puno ng excitement bilang isang proud mom. Hindi maikakaila na namana ng kanyang mga anak ang disiplina at dedikasyon ng kanilang kuya, na si Carlos Yulo, na kilala sa kanyang world-class achievements.

Ayon sa mga malalapit sa pamilya, matagal na raw pangarap nina Eldrew at Elaiza ang mag-training sa Japan. Ito na ang simula ng kanilang journey patungo sa pagiging world-class athletes, at suportado sila nang buo ni Angelica sa bawat hakbang.

Sa kabila ng pressure, excited si Angelica para sa magiging future ng kanyang mga anak. Tulad ng kanilang kuya Carlos, malayo ang mararating nina Eldrew at Elaiza, at tila nagsisimula pa lang ang kanilang kwento sa mundo ng gymnastics!