Sa isang revelasyon, isiniwalat ni Liza Soberano na siya at ang kanyang onscreen at real-life partner na si Enrique Gil ang unang inalok para gumanap sa mga pangunahing karakter ng 2019 blockbuster film na "Hello, Love, Goodbye," na kalaunan ay pinagbidahan nina Kathryn Bernardo at Alden Richards.
Photo: Liza, Kath, and Alden/FB
Sa vlog ni Bea Alonzo, kung saan kumasa si Liza sa “Lie Detector Test” challenge, ikwenento niya ang kanyang panghihinayang sa hindi pagtuloy ng proyekto. Ayon kay Liza, sabik siyang gawin ang pelikula, ngunit sinabi ng Star Cinema na may ibang proyekto na nakaplano para sa kanila ni Enrique, kaya napunta ang pelikula kay Kathryn. Ang balitang pagsasama nina Kathryn at Enrique sa proyekto ay nagdulot pa ng takot kay Liza, lalo na't baka ito ang maging dahilan ng pagkasira ng kanilang tambalan.
Dagdag ni Liza, habang ginagawa nila ang seryeng *Bagani*, nalaman niya na inialok pa rin ang *Hello, Love, Goodbye* kay Enrique, ngunit ang magiging katambal na ay si Kathryn Bernardo. "That scared the sh*t out of me," aniya, dahil natakot siyang matapos ang kanilang loveteam. Para kay Liza, malaki ang epekto ng pagiging nakatuon lamang sa loveteam, kaya pakiramdam niya ay maraming oportunidad ang hindi niya nagawa.
Ngayon, muling binabalikan ni Liza ang karanasan at inamin na sa paglipas ng panahon, napagtanto niyang maraming proyekto ang hindi niya nagawa dahil limitado siya sa isang loveteam. "And that’s why everybody I think takes for granted my talent or acting capabilities because they only see me in a loveteam," saad ni Liza, na nagbukas ng bagong pananaw sa kanyang karera at mga posibilidad sa hinaharap.
No comments:
Post a Comment