Isang nakalulungkot na balita ang kumalat patungkol sa kalagayan ng dating komedyante na si Allan Padua, mas kilala bilang "Mura," matapos matagpuan ng isang content creator na si Virgelyn na dumudumi na lamang siya sa kanyang salawal.
Photo: Mura/FB
Matapos ang isang aksidente na nagdulot ng problema sa kanyang paa, nahirapan si Mura na makakuha ng mga proyekto, dahilan upang manawagan siya ng tulong mula sa mga kaibigan sa industriya.
Bagamat marami ang tumugon, kabilang na ang yumaong kaibigang si "Mahal," hindi naging madali ang buhay ni Mura. Sa kabila ng mga pagsubok at tatlong beses na pagkasunog ng kanyang tahanan, patuloy siyang tinutulungan ng mga mabubuting loob. Gayunpaman, sa kanyang pinakahuling panayam, inamin ni Mura na hirap na siyang maglakad, at naluluha siya habang sinasabing tila pinabayaan na siya ng kanyang mga kapatid dahil wala na siyang pera.
Muling nanawagan si Mura sa mga taong may mabubuting kalooban na tulungan siya upang matapos ang kanyang pinapagawang bahay, na siyang magiging tirahan para sa kanya at sa kanyang ama.
No comments:
Post a Comment