Nagbahagi si Chloe San Jose ng mga larawan ng kanilang shopping spree sa Paris kasama ang kanyang boyfriend na si Carlos Yulo, isang two-time Olympic gold medalist.
Photo: Chloe/IG
Sa kanilang masayang pagbabalik sa Paris noong September 4, kasama ni Carlos si Chloe upang suportahan ang mga atletang Pinoy na lalahok sa Paralympic Games. Ngunit bukod sa pagsuporta sa mga atleta, hindi pinalampas ng magkasintahan ang pagkakataong mag-shopping sa sikat na lungsod. Sa mga larawang ibinahagi ni Chloe sa kanyang Instagram stories, makikita ang kanilang kasiyahan habang bitbit ang tatlong malalaking shopping bags.
Bukod sa kanilang shopping adventure, napansin din ng netizens ang tila patama ni Chloe sa ina ni Carlos, si Angelica Yulo, sa kanyang caption na “Di aaray for today’s shopping spree, siguro meron portion lang.” Ito ay nagbigay-kulay sa isyung kinasasangkutan ng pamilya ni Carlos, lalo na matapos ang isang pahayag ni Angelica na itinanggi ang akusasyon ng pagnanakaw mula sa pera ni Carlos, bagama't inamin niyang mayroong bahagi ng pera na ginamit ngunit hindi raw ito sapat para makaapekto nang malaki sa bulsa ng atleta.
Hindi naman pinalagpas ng netizens ang pag-flex ni Chloe ng kanilang shopping spree, at maraming naglabas ng kanilang hinanakit. Ayon sa ilan, tila sinasadya umano ni Chloe na ipamukha sa pamilya ni Carlos ang kanilang karangyaan habang ang pamilya ni Carlos ay nahaharap sa mga hamon sa buhay. Lalo pang uminit ang isyu matapos makita ang viral video ng ina ni Carlos na nagla-live selling ng mga damit, at ang kanyang ama na si Mark Andrew na nakitang nagbibisikleta papunta sa trabaho sa gitna ng ulan. Ang mga komento ng netizens ay nagpapakita ng kanilang pagkadismaya at galit sa tila kawalan ng malasakit ni Chloe sa kalagayan ng pamilya ni Carlos.
No comments:
Post a Comment