Nagtapos na sa senior high school si Belle Mariano mula sa Homeschool Global Philippines. Sa kabila ng abala sa kanyang career, ipinangako niya sa sarili at sa kanyang mga magulang na gagawin niya ang lahat upang mapagsabay ang kanyang trabaho at pag-aaral. Sa kanyang social media post, ibinahagi ni Belle ang kanyang kaligayahan sa bagong milestone na ito.
Photo: Belle/IG
Ayon sa kanya, hindi naging madali ang kanyang paglalakbay, ngunit sa kabila ng lahat ng pagod at puyat, natapos niya rin ang kanyang pag-aaral. "Two years ago, I decided to continue pursuing my academics once again. I could say it wasn’t an easy journey 😆 — all the nights of staying up late, endless cups of coffee ❤️, and trying to make it before the deadline. I finally made it 🤍!" pagbabahagi ni Belle.
Ang mga tagahanga ni Belle ay nagpadala ng kanilang mga pagbati sa kanya online. "Congratulations Belle! You are such an inspiration!❤️❤️ Keep doing you👏👏," sabi ng isang fan. Bukod sa akademikong tagumpay, kamakailan lang ay nagsagawa siya ng sold-out birthday concert na pinamagatang "Believe" noong Hulyo. Tila hindi makapaniwala si Belle na ang kanyang mga pangarap ay naging realidad, na dati'y mga simpleng hangarin lamang.
No comments:
Post a Comment