Maraming netizens ang humanga kay Jhong Hilario matapos malaman na ang anak niyang si Sarina, sa kabila ng kanilang estado sa buhay, ay nag-aaral sa isang barangay daycare center.
Photo: Sarina/IG
Si Jhong, na isang konsehal ng Makati, ay pinuri ng mga tao dahil sa kanyang desisyon na ilapit ang anak sa mga bata mula sa iba't ibang antas ng lipunan.
Sa isang post sa Facebook, ipinakita ni Sarina kung paano siya nakikihalubilo sa ibang mga bata, bagay na lalong pinuri ng mga netizens. Ayon sa kanila, kayang-kaya ni Jhong na ipasok si Sarina sa isang mamahaling pribadong paaralan, ngunit pinili niyang manatiling simple at grounded ang pagpapalaki sa anak.
“Ikinalulugod ko ang iyong kababaang-loob at kakaibang paraan ng pagpapalaki. Habang maraming celebrity parents ang pipili ng mga eksklusibong paaralan, pinili mong i-enroll si Sarina sa isang regular daycare,” sabi ng isang tagahanga ni Jhong.
Ang ina ni Sarina, si Maia Leviste Azores, ay nagpapasalamat din sa mga papuri mula sa mga netizens. Ayon kay Maia, “Salamat sa mga magagandang salita. Hindi ko masasabi na may perpektong formula sa pagpapalaki ng bata, pero ang mga bagay na nabanggit ninyo ay ang mga bagay na gusto naming makamit para kay Sarina.”
Naging viral ang kwento ni Sarina sa gitna ng mga kritisismo kay Dianne Medina na pinuna ng netizens matapos niyang ibahagi ang P170,000 tuition fee para sa kanyang anak na nag-aaral sa Nursery 2.
No comments:
Post a Comment