Ina ni Carlos Yulo May Bwelta Kung Paano Nagsimula ang Alitan sa Anak

 

Ina ni Carlos Yulo, may sagot kung bakit nagsimula ang bangayan nila ng anak; girlfriend ni Carlos na si Chloe, mabilis na sumagot kay Angelica!

Photo: Carlos/IG

Sa isang interview, ibinunyag ni Angelica Yulo, ina ni Carlos, ang pinagmulan ng kanilang alitan. "Ang ugat ng problema ay ang babae. Nagsimula ito noong nagkaroon ng training camp si Caloy, at ang sabi ng coach niya, 'Tita, alam mo ba ang nangyari?'"

"Wala kaming alam. Pagdating ng teammate niya, hindi dapat nandoon ang babae sa apartment. Dapat para sa mga atleta lang ang lugar na iyon, walang outsiders na hindi kasama sa training," ani Angelica. "Paano ko papatulugin ang 15-anyos kong anak sa studio-type apartment kasama siya at ang babae?"

Dagdag pa ni Angelica, "Mahirap kasi puro lalaki, baka may makita silang di maganda. Parang nilalayo niya si Caloy sa amin. Gusto niyang makasama si Caloy, pero kami rin, pamilya niya. Matagal na rin namin siyang di nakasama dahil sa pandemic. Wala kaming ninakaw o ginalaw na pera niya. In-invest namin sa bahay para may remembrance siya." Mabilis namang sumagot si Chloe at sinabing, "Mother dear, hintayin mo lang matapos namin yung vault finals."