Willie Revillame Inalok Diumano si Gretchen Ho na Maging Asawa nito
Photo: User/YT
Naging usap-usapan ang naging sagutan nina Willie Revillame at Gretchen Ho sa programang "Seryosong Usapan: Willie Revillame Faces the Journos" na napanood kamakailan sa TV5. Sa nasabing palabas, binigyang kulay ng mga biro at hugot sina Willie at Gretchen, kasama sina Ed Lingao, Lourd De Veyra, at Patrick Paez, habang pinopromote ang bagong programa ni Willie, "Wil To Win," na mag-uumpisa ngayong Linggo, ika-14 ng Hulyo.
Sa isang bahagi ng show, tinanong ni Willie si Gretchen tungkol sa kanyang buhay pag-ibig. Sinagot ni Gretchen na masaya siya mag-isa at walang boyfriend. Sagot ni Willie, "Gusto mo tayo na lang?" Naaliw ang mga manonood sa mga kasunod pang sagot at biruan nina Willie at Gretchen, lalo na nang sinabi ni Willie, "Ba’t ka iiwas sa tao na may magandang puso? Ba’t ka iiwas sa taong hindi ilegal ang ginagawa?"
Bilang isa sa mga batikang komedyante at TV host sa Pilipinas, kilala si Willie sa kanyang mga pamatok na game show tulad ng "Wowowin" na nagbibigay ng kasiyahan at tulong sa masa. Sa kabila ng kanyang yaman at tagumpay, ipinaliwanag ni Willie na ang kanyang layunin ay magbigay ng inspirasyon at saya sa mga manonood. Ang nasabing pag-uusap ay nagdagdag kulay sa kanyang bagong programa, na tiyak na aabangan ng marami.
No comments:
Post a Comment