Pinky Amador, Kopyang-Kopya ang Linya ni Alice Guo sa 'Abot-Kamay na Pangarap'

Pinky Amador, Kopyang-Kopya ang Linya ni Alice Guo sa 'Abot-Kamay na Pangarap'

Photo: Pinky/IG

Naging usap-usapan ang bagong karakter ni Pinky Amador sa "Abot-Kamay na Pangarap" dahil sa pagkakahawig nito kay Alice Guo, ang kontrobersiyal na mayor ng Bamban, Tarlac. Sa ika-567 kabanata ng top-rating Kapuso drama series, lumitaw si Morgana Go, ang bagong karakter ni Pinky, na suot ang cheongsam, ang tradisyonal na damit ng mga kababaihang Instik. Sa tulong ng make-up, pinagmukhang singkit ang kanyang mga mata, na ikinatuwa ng mga manonood dahil tila ginaya nito si Guo.

Sa isang eksena, iniimbestigahan si Morgana ng mga karakter nina Richard Yap, Chuckie Dreyfus, Che Ramos, at Dina Bonnevie tungkol sa kanyang kabataan. “Ang maalaala ko lang, lumaki kasi ako sa farm. Kasama ko yung papa ko at hindi naging madali yung buhay namin,” sagot ni Morgana kay Robert Jose [Richard]. Pinilit niyang magpatawa sa gitna ng seryosong usapan, ngunit seryoso siyang tinanong ulit. “Hindi po ako sa pangkaraniwan na paaralan nag-aral. Home-schooled po ako," dagdag pa niya.

Maraming manonood ang natatawa at natutuwa sa pagkakahawig ng karakter ni Morgana kay Alice Guo, lalo na ang pagkopya sa mga linya at kilos nito. Bagamat may disclaimer ang palabas na "entirely fictitious" ang mga karakter at pangyayari, hindi maiwasang mapansin ng publiko ang malinaw na inspirasyon mula sa tunay na buhay. Nagdulot ito ng dagdag na interes at pananabik sa mga susunod na kabanata ng "Abot-Kamay na Pangarap."