Patuloy na hinaharap ni Kris Aquino ang mga hamon sa kanyang kalusugan. Kamakailan lang, ibinahagi ni Kris sa kanyang malapit na kaibigan na si Dindo ang malungkot na balita tungkol sa kanyang blood test results.
Photo: Kris/IG
Ayon sa mensahe ni Kris, "I have sad blood results. 😔," na nagdulot ng labis na pagkabahala hindi lamang sa kanyang pamilya kundi pati na rin sa kanyang mga tagahanga.
Dahil sa balitang ito, agad na lumipad pabalik sa US sina Bimby at Joshua, mga anak ni Kris, upang makasama ang kanilang ina. Ngunit, sa pinakahuling mensahe ni Kris, sinabi niyang kinakailangan niyang ulitin ang blood test dahil may discrepancy sa resulta nito. "I’m going to UCLA on Wednesday for a repeat blood test. There’s a discrepancy in my results so we’ll repeat. Please pray," dagdag pa niya.
Sa isang Facebook post, ipinaalam ni Dindo sa publiko ang update na ito upang maipaliwanag ang biglaang pagbabalik ni Bimby at Joshua sa US. Ayon kay Dindo, nabunutan siya ng tinik nang malaman niyang muling sasailalim sa test si Kris. Aniya, "Ahead ang ‘Pinas ng 15 hours sa Los Angeles, kaya maaaring sa mga oras na ito (3:00 am sa atin at 12 midday doon) ay nasa UCLA na si Kris."
Sa gitna ng mga pagsubok na ito, nananatili ang panalangin at suporta mula sa mga tagahanga at kaibigan ni Kris. Umaasa ang lahat na ang mga susunod na resulta ng kanyang blood test ay magiging positibo at magbibigay-daan sa kanyang agarang paggaling.
.svg.png)
.svg.png)
No comments:
Post a Comment