Barbie Forteza, Tumakbo para Tulungan si Herlene Budol nang Madapa sa GMA Gala

 

Barbie Forteza, Tumakbo para Tulungan si Herlene Budol nang Madapa sa GMA Gala

Photo: Barbie/IG

Hindi ininda ni Barbie Forteza ang paglabag sa protocol para lamang tulungan ang kapwa Kapuso star na si Herlene Budol matapos itong madapa sa GMA Gala. Sa isang video na ibinahagi ng netizen na si @Cordel2022 sa social media platform na ‘X’, makikita si Barbie na magiliw na binabati ang mga manonood at nagpapose nang biglang mapansin niya si Herlene na nakasubsob sa isang bahagi ng entablado. 

Sa video, makikita ang tunay na pag-aalala sa mukha ni Barbie nang mapansin niya ang insidente. Agad niyang itinigil ang kanyang pagpapakilala at paghahatid ng mga halik sa mga manonood, inangat ang laylayan ng kanyang marangyang gown, at mabilis na tumakbo patungo kay Herlene upang tulungan ito. Napatid si Herlene habang naglalakad at binabati ang mga manonood, dahilan upang siya'y madapa at bumagsak sa entablado. Sa kabila ng kanyang suot na gown, hindi nagdalawang-isip si Barbie na ihinto ang kanyang pag-rampa at agad na tumulong sa kapwa artista.

Pinuri ng mga netizen ang ginawang ito ni Barbie para tulungan si Herlene. "Barbie Is So Sweet Helping Herlene Budol To Get Up," ayon sa caption ng netizen na nag-post ng video. “I'm not a fan of Barbie, but seeing her kind act makes me amazed at her,” sabi ng isa pang netizen. "Si Barbie daw pinakamabait na Kapuso," ani naman ng isa pang komento. "Lumabas ang pagka Klay ni Barbie... galing naman," dagdag pa ng isang netizen. "Kaya si Barbie fave ko sa GMA, humble and kind," ayon pa sa isang komento.

Si Barbie Forteza ay isang Kapuso actress na kilala sa kanyang mahusay na pagganap sa mga serye tulad ng "Nita Negrita," "The Half Sisters," "That's My Amboy," "Inday Will Always Love You," at "Anak ni Waray vs. Anak ni Biday," at marami pang iba. Noong 2009 nang pumasok si Barbie sa showbiz, at ang unang proyekto na ibinigay sa kanya ay ang pagganap bilang batang Jodi sa lokal na adaptasyon ng tanyag na Korean drama na "Stairway to Heaven."

Ang aksyon ni Barbie sa GMA Gala ay nagpapatunay ng kanyang kabutihan at malasakit sa kapwa, dahilan upang mas lalo pa siyang hangaan ng kanyang mga tagahanga at ng publiko.

@c0rdelia2023 #BarbieForteza #gmagalanight2024 #PulangArawOnNetflix #MSKM #bardaendgame #filay #mariaclaraatibarra #ThatKindOfLoveNowShowing #BarDa #DavidLicauco @David Licauco @Barbie Forteza ♬ original sound - Cordelia