Totoong Buhay Cita Astals Pagkatapos ng Panahon ng Kasikatan

 

Totoong Buhay Cita Astals Pagkatapos ng Panahon ng Kasikatan

Photo: Julius Babao/YT

Ano na nga ba ang nangyari sa buhay ng dating aktres na si Cita Astals? Sa isang panayam ni Julius Babao, ibinahagi ni Cita ang kanyang kasalukuyang kalagayan—malayo sa buhay na kanyang tinamasa noong siya’y aktibo pa sa showbiz. 

Si Cita Astals ay nadiskubre ni Mr. M ng ABS-CBN noong siya’y 23 anyos. Dahil sa kanyang potensyal sa pag-aartista, mabilis siyang nabigyan ng mga proyekto. Nakilala siya sa sikat na sitcom na “Home Along Da Riles” noong dekada 90, kung saan ginampanan niya ang papel bilang amo ni Mang Cosme na pinasikat ni Comedy King Dolphy. Ngunit ang kanyang matagumpay na karera sa showbiz ay hindi nagtagal matapos niyang pasukin ang mundo ng politika.

Nahalal si Cita bilang konsehal sa Maynila, at matapos ang kanyang termino, tumakbo siya bilang Vice Mayor. Sa kabila ng malaking gastos na umabot sa Php3 milyon, nabigo siyang manalo. Itinuturing ang pagkatalo sa eleksyon bilang dahilan ng kanyang pagkakasakit. Noong 2007, nadiagnose si Cita ng Bipolar Disorder at halos dalawang taon siyang nanirahan sa ospital. Pagkatapos ng kanyang paggamot, tumira siya sa isang kaibigan sa Cleveland Tower.

Nang bumuti ang kanyang kalagayan, sinubukan ni Cita na magtrabaho bilang call center agent. Ngunit, nagkaroon siya ng problema sa isang katrabaho na nagbunsod sa kanyang pagre-resign. Sa kasalukuyan, si Cita ay naninirahan sa isang maliit na inuupahang kwarto sa Dasmariñas, Cavite. Walang kuryente ang kanyang tirahan dahil naputulan siya nito, at patuloy siyang nahihirapan sa pagbabayad ng renta. Ayon sa kanya, hindi siya nagluluto at sa mga karinderya lamang siya kumakain.

Malayo na ang narating ni Cita Astals mula sa kanyang matagumpay na karera bilang aktres at pulitiko. Sa kabila ng kanyang mga pagsubok, patuloy siyang nagpupursige upang makaraos sa araw-araw. Para sa buong detalye, panoorin ang kanyang panayam sa video na ito.