Nagbahagi si Sam Milby ng kanyang pagkabigla matapos malaman na siya ay may Type 2 diabetes. Sa kabila ng hindi pagiging mahilig sa matatamis at bihirang pagkain ng junk food, ikinagulat ni Sam nang malaman ang kanyang kondisyon.
Photo: Sam Milby/IG
Sa kanyang Instagram post, binigyang-diin niya ang kahalagahan ng hindi pagpapabaya sa mga sintomas ng diabetes at ang regular na pagpapacheck-up.
Ayon kay Sam, "Palagi kong iniisip na healthy ako. Hindi ako mahilig sa matatamis, bihira din mag-junk food, pero last year nalaman ko na may type 2 diabetes na ako. Wala naman sa pamilya namin, kahit sa mga magulang at lolo’t lola ko. Sana nagpa-check-up ako nung pre-diabetes pa lang."
Payo ni Sam sa kanyang mga tagahanga, "Huwag balewalain ang mga sintomas (ang pangunahing sintomas ko ay palaging uhaw at madalas na pag-ihi) at magpacheck-up nang regular." Ang mensahe ni Sam ay nagsisilbing paalala sa lahat na maglaan ng panahon para sa kalusugan at agad na kumonsulta sa doktor kung may napapansing kakaibang sintomas.
#SamMilby #Type2Diabetes #Kalusugan #HealthAwareness #CheckUpRegularly
No comments:
Post a Comment