Ruby Rodriguez May Banat kung Bakit Gusto nya Paghahanap ng Trabaho sa U.S. mula sa Eat Bulaga!

 

Ruby Rodriguez May Banat kung Bakit Gusto nya Paghahanap ng Trabaho sa U.S. mula sa Eat Bulaga!

Photo: Ruby Rodriguez/IG

Ibinunyag ni Ruby Rodriguez na hindi niya ipinaalam sa kanyang mga kasamahan sa noontime show na Eat Bulaga! ang tungkol sa kanyang pag-aaplay ng trabaho sa U.S. Ngayon, halos dalawang taon na siyang nagtatrabaho bilang staff member sa Philippine Consulate Office sa Los Angeles, California. Si Ruby ay orihinal na nakatakdang magsimula sa kanyang trabaho noong Abril 2020, subalit dahil sa pandemya, nakalipad lamang siya patungong Amerika noong Mayo 2021 upang simulan ang kanyang bagong trabaho.

Sa isang panayam sa kanya ng U.S.-based Filipina host na si Jannelle So, na lumabas sa YouTube noong Marso 6, 2024, ibinahagi ni Ruby kung paano siya naghanap at nakakuha ng trabaho sa U.S. Ayon sa kanya, ang pangunahing dahilan ng pagpunta niya sa Amerika kasama ang kanyang pamilya ay upang maipagamot ang kanyang bunsong anak na may special needs. Kinailangan niyang maghanap ng trabaho roon para masuportahan ang kanilang pag-migrate. "I kept quiet. It’s my private life. This is private," sabi ni Ruby. Hindi niya ipinaalam ang kanyang plano sa mga katrabaho sa Eat Bulaga!, maliban sa kanyang matalik na kaibigan na si Pauleen Luna.

Bago pa man magsimula sa Philippine Consulate Office, kinailangan ni Ruby na magpaalam nang maayos sa kanyang mga kasamahan sa Eat Bulaga!, lalo na sa kanilang producer na si Tony Tuviera. "I said, ‘Magpapaalam lang po ako formally to our producer para hindi po ako ma-put on the spot,’” kuwento ni Ruby. Ngunit, dahil sa pandemya, nagkaroon ng worldwide lockdown noong Marso 2020, kaya hindi natuloy ang kanyang pag-alis noong Abril. Sa kabila nito, hindi pinressure si Ruby ng kanyang bagong trabaho at patuloy siyang naghahanap ng iba pang oportunidad. Tinanggap niya ang teleseryeng "Owe My Love" noong simula ng 2021 habang naghihintay ng tamang panahon upang lumipad patungong U.S. Nang tuluyan nang buksan ang Amerika, nakalipad si Ruby noong Mayo 2021 at nagsimula na sa kanyang trabaho pagkatapos ng sampung araw na quarantine.

Bukod sa kanyang regular na trabaho sa Philippine Consulate, patuloy pa rin si Ruby sa pagtanggap ng corporate events sa Amerika kaya nagagawa pa rin niyang mag-perform. Sa kabila ng mga pagsubok, matagumpay na napagsasabay ni Ruby ang kanyang mga responsibilidad bilang ina at bilang isang propesyonal sa ibang bansa.