Nikko Natividad Tungkol sa Dalawang Contestant, Pinatatamaan si Vice Ganda?

 

Nikko Natividad Tungkol sa Dalawang Contestant, Pinatatamaan si Vice Ganda?

Photo: Vice Ganda/IG

Usap-usapan ngayon sa social media ang post ng dating Hashtag member na si Nikko Natividad tungkol sa dalawang contestant na umano'y gusto lamang ng TV exposure ngunit nauwi sa trauma ang kanilang karanasan. Sa isang Instagram post na ngayon ay burado na, ipinahayag ni Nikko ang kanyang pag-aalala para sa dalawang contestant. Aniya, "Naawa ako sa dalawang contestant, gusto lang nila ma-experience at ng exposure pero sobrang trauma ang nakuha nila."

Sa isang Facebook post, na ngayon ay burado na rin, inilahad ni Nikko ang kanyang simpatya sa lalaking contestant. Ipinunto ni Nikko na bagaman nagkamali ang lalaki sa hindi paghingi ng pahintulot bago bumeso, wala naman itong intensyon na manyakin ang babae. Sinabi rin niya na naaawa siya sa lalaki na nagkaroon ng pagkakamali ngunit hindi naman sadya, pati na rin sa babae, na siya lang ang makakapagsabi kung talagang na-offend siya o hindi.

Sa kanyang karagdagang pahayag, sinabi ni Nikko na sobra ang kahihiyan na dinanas ng lalaki dahil sa insidente, at naintindihan niya ito dahil sa sarili niyang karanasan ng mapahiya sa telebisyon. "Alam ko kasi pakiramdam ng pinapahiya sa TV at napo-powertrip base sa experience ko," ani Nikko. Sa kabila ng kanyang mga saloobin, burado na ang mga nasabing post ni Nikko sa social media.