Kyline Alcantara Aaminin ang Real Score ng Relationship with Kobe Paras

 

Kyline Alcantara Aaminin ang Real Score ng Relationship with Kobe Paras

Sa isang eksklusibong panayam ng Philstar, nagsalita na ang aktres na si Kyline Alcantara hinggil sa mga usap-usapan tungkol sa namamagitan sa kanila ng basketball player na si Kobe Paras. Kinumpirma ni Kyline na nagdi-date sila ni Kobe, ngunit nilinaw din niya na sa kasalukuyan, single pa rin siya. Tila nais ipahayag ng aktres na hindi pa niya sinasagot si Kobe at nasa "dating stage" pa lamang sila.

Ayon kay Kyline, "Single life is great! Totoo ‘yung sinasabi nila na masarap talaga maging single. Pero masarap din namang magmahal." Nang tanungin kung ano na ang real score sa kanilang ligawan, pabirong sinabi ng aktres, "Oh! I don’t know, actually!" Ito ay nag-iwan ng maraming fans na nagtataka kung ano nga ba ang tunay na estado ng kanilang relasyon.

Kung matatandaan, ipinost ni Kobe ang larawan ni Kyline sa kanyang Instagram story. Bukod dito, madalas din mag-react si Kobe sa mga post ng aktres, na nagdulot ng kilig sa mga netizens. Marami ang nagsasabi na tila may espesyal na namamagitan sa dalawa, at wala naman daw masama dahil parehong single ang mga celebrities. Sa kabila nito, mukhang ini-enjoy muna nina Kyline at Kobe ang kanilang kasalukuyang estado at hinahayaan ang panahon na magdesisyon para sa kanila. 

Photo: Kyline/IG

#KylineAlcantara #KobeParas #DatingRumors #SingleLife #CelebrityNews