Jolina Magdangal Binatikos Dahil sa Pangingialam DiumanoTungkol sa Kasal nina Carlo Aquino at sa Bago nitong Partner na si Charlie Dizon

 

Jolina Magdangal Binatikos Dahil sa Pangingialam DiumanoTungkol sa Kasal nina Carlo Aquino at sa Bago nitong Partner na si Charlie Dizon

Photo: Jolina/IG

Inulan ng batikos si Jolina Magdangal sa kanyang Instagram post tungkol sa secret wedding nina Carlo Aquino at Charlie Dizon. Ang kontrobersyal na post ay nagdulot ng matinding reaksyon mula sa mga netizens, na hindi napigilang ipahayag ang kanilang pagkadismaya at galit. Sa caption ni Jolina na nagsasabing "mapagmahal sa pamilya," maraming netizens ang tila hindi sang-ayon, lalo na't alam nilang iniwan ni Carlo ang kanyang dating partner at anak para kay Charlie. Ito ang naging mitsa ng mga negatibong komento sa kanyang post.

Isa sa mga komento ng netizens ay nagsabi: "I'm so disappointed sayo Jolina. Hindi mo man lang naisip yung mag-ina niya na pinagpalit niya sa tawag ng laman." Ang isa pang netizen ay nagsabi ng, "Grabe naman caption mo, Jolens, na 'mapagmahal sa pamilya,' knowing the fact na iniwanan niya mag-ina niya. Oyan na, bash ka tuloy! Kunsinti pa more." Ang mga ganitong pahayag ay nagpapakita ng galit ng ilang tao sa social media post ni Jolina.

Dagdag pa ng isa, "Mapagmahal sa family? Are u kidding? What do you call a man who turned his back to his very own flesh for his own sakes happiness? Like seriously!!!???" Ang isa pang komento ay nagsabi, "Maganda sana kung naging mabuting ex si Carlo sa nanay ng anak niya, pwede pa maintindihan ng mga tao na baka nga nagbago siya. Kaso sa pain na kinause niya sa maraming babae kagaya natin, hindi siya credible na marunong magmahal o rumispeto ng isang babae."

Bagamat maraming bumabatikos, mayroon din namang mga netizens na naiintindihan ang punto ni Jolina sa kanyang post at caption. Sa gitna ng mga negatibong komento, may ilang sumuporta at nagsabing dapat magkaroon ng mas malawak na pang-unawa sa sitwasyon. Mabilis namang nireplayan ni Jolina ang mga komento ng pasasalamat sa mga sumuporta sa kanya: "Salamat sa malawak na pang-unawa," aniya.