Xian Lim Diretsahang Nilinaw ang 'Steak Issue' with Kim Chiu Bago Naghiwalay

 

Xian Lim Diretsahang Nilinaw ang 'Steak Issue' with Kim Chiu Bago Naghiwalay

Photo: Xian Lim/IG

Sa isang panayam, nilinaw ni Xian Lim na hindi siya ang nakipaghiwalay sa aktres na si Kim Chiu, at tinutukoy ang mga balitang nagsasabing nagpaluto muna siya ng steak bago makipaghiwalay bilang pawang fake news. Sa kanyang pag-uusap sa Inquirer, inilahad ni Xian na wala itong katotohanan at hindi niya magagawa ang ganoong bagay. Aniya, "There’s no truth to it. It’s absurd. I don’t see where it’s coming from. Is it because people are using us for entertainment? I cannot orchestrate that. I wasn’t the one who initiated the breakup. All these fake news, all these dagdag-bawas, are just too much already."

Sa kabila ng kanyang paglilinaw, patuloy pa rin ang mga pambabatikos kay Xian. May ilang netizens na nagsabing nagpapaka-biktima umano ang aktor. Ayon sa isa sa mga komento, “Sabihin ng hindi ikaw nag initiate ng break up… eh kung nararamdaman at nakikita na ng partner mo na me nilalandi kang iba.. anu mananahimik na lang sya?!.. ikaw yung meron ng iba ikaw pa yung pavictim???” Dagdag pa ng isa, “Hahaha he think this can boost his ego, ang babaw nyang tao, talak ng talak atleast c Gerald Anderson Mas kalaki pa kay sa kanya tahimik lang.”

Sa kabila ng negatibong reaksyon mula sa ilang tao, ipinagpatuloy ni Xian ang kanyang pahayag, iginiit niya na siya ay nagiging tapat lamang sa kanyang opinyon at pagtatanong hinggil sa kanyang mga karakter sa trabaho. Ayon sa kanya, "Maybe it comes off as difficult to other people... I’m just passionate about my craft." Dagdag pa niya, mahalaga ang dalawang panig ng kuwento, ngunit mas madaling paniwalaan na ang mga artista ay mahirap katrabaho kaysa makita ang kanilang pagsusumikap.