Kim Chiu Di Magpapaawat sa New Relationship ni Xian Lim, ''Sorry, may mahal na akong iba - Kim'

 

Kim Chiu Di Magpapaawat sa New Relationship ni Xian Lim, ''Sorry, may mahal na akong iba - Kim'

Photo: Kim Chiu/IG

Sa isang kamakailang episode ng "It's Showtime," naging tampok ang masayang harutan at bagutan ng mga linya ng mga host sa segment na "Ex-pecially for You." Ang segment na ito ay isa sa mga inaabangan ng mga netizens dahil sa humor at spontaneity ng mga host tulad nina Vice Ganda, Vhong Navarro, Kim Chiu, at Jhong Hilario. Sa episode noong Mayo 18, ang topic na tinalakay ay "Paano mo sasabihin sa partner mo na mayroon ka ng iba?"

Unang tinanong ni Vice Ganda si Ion Perez, na sinagot naman ito sa malungkot na paraan ng "Sorry may mahal na akong iba," sabay sabing "ako yun," na nagdulot ng tawanan sa studio. Matapos nito, biglang tinanong ni Vice si Kim Chiu, na nagdulot ng masiglang sigawan mula sa mga viewers sa studio. "It's time na para ikaw naman ang sumagot," sabi ni Vice kay Kim. Tumawa si Kim, tila batid niya na inaabangan ng lahat ang kanyang isasagot, lalo na’t sariwa pa ang hiwalayan isyu nila ng dating kasintahan na si Xian Lim.

Walang kaabog-abog na ipinagsigawan ni Kim ang mga katagang "Sorry may mahal na akong iba," sabay tawa, na lalong nagpasaya sa mga kapwa host at madlang pipol. Ang segment na ito ay nagpamalas ng kakayahan ni Kim na maging masaya at magaan sa kabila ng mga kontrobersiyang hinaharap niya, na ikinatuwa ng maraming viewers at fans.