Kathryn Bernardo, Number One TVC Endorser na Kumikita ng Php400K Kada Taping
Photo: Kathryn Bernardo/IG
Napag-alaman umano ni Cristy Fermin na si Kathryn Bernardo ang nangungunang TV commercial endorser sa bansa. Sa bagong episode ng "Showbiz Now Na!", ibinahagi ni Cristy ang impormasyon na tumataginting na Php400,000 ang kinikita ni Kathryn sa bawat taping ng kanyang proyekto. Bukod pa rito, sakaling lumampas ang taping sa itinakdang oras, makatatanggap pa siya ng karagdagang bayad na kalahati ng kanyang regular na kita.
Ayon kay Cristy, deserve ni Kathryn ang ganitong kita dahil sa dami ng pinagdaanan at sakripisyo nito sa kanyang karera sa showbiz. Sa kabila ng kanyang tagumpay at kasikatan, nananatiling mapagpakumbaba si Kathryn. Pinupuri siya ng kanyang mga kaibigan dahil sa pantay-pantay ang kanyang pagtingin sa mga tao, hindi alintana ang kanyang estado at kinikita.
Si Kathryn Bernardo ay unang nakilala sa showbiz bilang batang Cielo sa teleseryeng "It Might Be You". Kinalaunan, naging kilala siya bilang bahagi ng tambalang KathNiel kasama si Daniel Padilla. Kamakailan, kinumpirma ng dalawa ang kanilang paghihiwalay, na naging malaking balita bago pa man ipalabas ang pelikulang "A Very Good Girl". Sa kanyang 28th birthday, nagbigay ng makabuluhang mensahe ang kanyang ina na si Min Bernardo, na nagpasalamat sa katatagan at dedikasyon ni Kathryn sa kabila ng mga hamon.
No comments:
Post a Comment