Coleen Garcia May Rebelasyon Tungkol sa Balitang Hiwalayan Nila ni Billy Crawford

 

Coleen Garcia May Rebelasyon Tungkol sa Balitang Hiwalayan Nila ni Billy Crawford

Photo: Coleen Garcia & Billy Crawford/Ig

Sunod-sunod ang mga intrigang ibinabato sa mag-asawang Billy Crawford at Coleen Garcia. Sa isang panayam ni Luis Manzano kay Coleen, nilinaw ng aktres ang mga rumor na hiwalay na sila ng kanyang asawang si Billy.

Ayon kay Coleen, nagulat siya sa balitang ito at hindi siya aware na mayroon palang ganitong tsismis. Ipinaliwanag niya na tila nag-ugat ang isyu dahil hindi na sila madalas makitang sweet ni Billy sa social media. Dahil parte ng kanyang trabaho ang social media, karamihan sa kanyang mga post ay tungkol sa trabaho. Dagdag pa ni Coleen, abala rin si Billy sa kanyang trabaho at madalas nasa ibang bansa, kaya't ang mga sakripisyo nila ay para rin sa kinabukasan ng kanilang pamilya.

Paliwanag ni Coleen, simula nang sila ay ikinasal, wala umanong mabigat na kasalanang ginawa si Billy sa kanya. Kaya naman, maayos pa rin ang kanilang pagsasama hanggang ngayon. "Eversince na we got married... walang naging mabigat na kasalanan sa akin si Billy. Just to be clear... to dispel any rumors there are," dagdag pa ni Coleen.