Pokwang Pinadeport Diumano ang Ex-Husband?

 

Pokwang Pinadeport Diumano ang Ex-Husband?

Photo: 

Pokwang/YT

Lee O’Brian/FB

Na-deport na ng Bureau of Immigration (BI) si Lee O’Brian, ang dating partner ng komedyanang si Pokwang. 

Ayon sa BI, si O'Brian ay pina-deport noong gabi ng Abril 8 sa pamamagitan ng isang Philippine Airlines flight patungong San Francisco matapos mapatunayan na wala siyang nakabinbing kaso sa Pilipinas.

Bilang resulta ng deportasyon, idinagdag ang pangalan ni O'Brian sa blacklist ng BI, na nagbabawal sa kanya na muling makapasok sa bansa sa hinaharap. 

Matatandaang naghain ng reklamo si Pokwang laban kay O’Brian noong nakaraang taon dahil umano sa pagtatrabaho nito sa iba't ibang production companies nang walang kinakailangang permits mula sa Department of Labor and Employment at BI.

Ayon sa BI, nakita nila na may basehan ang reklamo ni Pokwang at iniutos na i-deport si O’Brian noong Disyembre para sa paglabag sa mga kondisyon ng kanyang pananatili sa bansa. Nag-file ng motion for reconsideration si O’Brian, ngunit ito ay tinanggihan.