Paulo Avelino May Pinatatamaan? Mas Pipiliin Daw Nya ang Perfect Parner Kaysa sa Perfect Career

 

Paulo Avelino May Pinatatamaan? Mas Pipiliin Daw Nya ang Perfect Parner Kaysa sa Perfect Career

Photo: Paulo Avelino/IG

Sa press conference ng kanyang pinakabagong pelikula, "Elevator," noong Abril 5, ipinahayag ng aktor na si Paulo Avelino na pinapahalagahan niya ang paghahanap ng perpektong partner higit sa pagbuo ng perpektong karera. 

Ayon sa isa sa mga pinakatanyag na aktor ng ABS-CBN, ang paghahanap ng perpektong partner ay tulad ng pagkakaroon ng dalawang layunin nang sabay-sabay.

Ipinaliwanag ni Avelino na kapag nahanap mo ang perpektong partner, mas masigasig ka umunlad sa buhay. Aniya, nagiging mas determinado kang magtagumpay sa iyong karera o kahit ano pa man dahil sa inspirasyon na dala ng pagkakaroon ng tamang partner. Gayunpaman, iginiit niya ang kahalagahan ng pagkakaroon ng balanseng relasyon sa pagitan ng pag-ibig at karera, pati na rin ang pagtitipid.

Dagdag pa ng aktor, mahalaga na magkaroon ng maingat na pag-budget at pag-iipon para sa kinabukasan, lalo na kung mayroon kang mga anak. Sa kanyang paparating na pelikula, "Elevator," gaganap si Avelino bilang isang elevator boy na nasasangkot sa isang love triangle kasama ang mistress ng kanyang boss, na ginagampanan ni Kylie Versoza. Sa ganitong kalagayan, nahahanap niya ang sarili sa isang pagsubok sa pagitan ng pag-ibig at pamilya.