Donny Pangilinan Palihim na Nililigawan Diumano si Kathryn Bernardo?
Photo:
Donny Pangilinan/IG
Kathryn Bernardo/IG
Ibinahagi ni Ogie Diaz ang kanyang nabalitaan tungkol kay Donny Pangilinan at ang sinasabing panliligaw nito kay Kathryn Bernardo.
Sa umpisa, ayaw niya munang pangalanan si Donny at pabirong binanggit ni Mama Loi na may initials din ito katulad ng ex ni Kathryn na si Daniel Padilla. Gayunpaman, tila kinumpirma ni Ogie na si Donny nga ang tinutukoy.
Sinabi ni Ogie na pagkatapos ng breakup nina Kathryn at Daniel, doon diumano nagpakita ng interes si Donny sa aktres. Subalit hindi umano natuloy ang panliligaw ni Donny at hindi rin alam ni Ogie ang dahilan. Iminungkahi niyang maaaring ito ay dahil sa posibleng reaksyon ng mga fans at supporters ng DonBelle, ang love team nina Donny at Belle Mariano.
Sa huli, sinabi ni Ogie na nasa kay Donny na ang desisyon kung aaminin niya ang mga balita o hindi. Kung sakaling mag-deny si Donny, ayos lang umano kay Ogie dahil baka hindi rin totoo ang mga sinabi ng kanyang source. Nabanggit niya rin na maaaring hindi natuloy ang panliligaw dahil sa kakulangan ng magandang patutunguhan o iba pang dahilan.
No comments:
Post a Comment