Dimples Romana May Rebelasyon Diumano sa Hiwalayang Angel Locsin and Neil Arce?
Photo: Angel Locsin/IG
Mariing itinanggi ni Dimples Romana ang kumakalat na isyung hiwalay na diumano sina Angel Locsin at Neil Arce.
Sa panayam niya sa ABS-CBN News, nilinaw ni Dimples na masaya pa ring nagsasama ang mag-asawa at sinabi niyang nakikita pa rin niya ang kaibigang si Angel. Patuloy silang nagkukumustahan at nagbo-bonding hinggil sa kanya-kanyang buhay.
Ipinaliwanag ni Dimples na hindi dapat basehan ang social media para sa estado ng relasyon ng isang mag-asawa. Ayon sa aktres, kahit hindi palaging nagpo-post ng mga litrato o updates tungkol sa kanilang pagsasama, patuloy na masaya ang buhay mag-asawa nina Angel at Neil. Aniya, nakakabuti rin kung minsan ang pagiging offline upang maiwasan ang mga negatibong epekto ng social media.
Tungkol naman sa pagbabalik ni Angel sa showbiz, wala pang tiyak na sagot si Dimples ngunit naniniwala siyang inaasahan ng marami ang muling pagbabalik ng aktres sa industriya. Excited din si Dimples na muling makasama at makatrabaho ang kaibigan sa showbiz, hindi lamang sa personal na aspeto kundi pati na rin sa trabaho. Ipinagdadasal din niya na malapit na itong mangyari.
.svg.png)
.svg.png)
No comments:
Post a Comment