Coco Martin, May Premonisyon sa Pagpanaw ni Jaclyn; Malaki ang Utang na Loob sa Aktres

 

Coco Martin, May Premonisyon sa Pagpanaw ni Jaclyn; Malaki ang Utang na Loob sa Aktres

Inihayag ni "FPJ’s Batang Quiapo" lead star at direktor na si Coco Martin ang malalim na utang na loob kay yumaong batikan at award-winning actress na si Jaclyn Jose. Ayon kay Coco, ito ang nag-udyok sa kanya na sumabak sa mainstream at pag-arte sa telebisyon, na nagbigay daan sa kanyang matagumpay na karera.

Sa isang panayam sa ABS-CBN News, ibinahagi ni Coco na tila may premonisyon si Jaclyn habang nagsho-shoot sila ng eksena sa "Batang Quiapo," kung saan si Ivana Alawi ang kanyang ka-eksena. Ayon kay Coco, nagpaalam si Jaclyn bilang Chief Dolores Espinas kay Bubbles (Ivana) at umiiyak na parang nagpapaalam sa kanyang anak. Nang sabihan si Jaclyn na bawasan ang pag-iyak, ipinaliwanag daw nito na nadala siya sa eksena dahil unti-unti na raw nawawala ang mga karakter sa loob ng bilangguan.

Napag-usapan din daw nila ni Jaclyn ang masusing palitan ng "I love you" bago siya umalis patungo sa Baguio City para sa Panagbenga Festival. Hindi raw nila alam na may masamang nangyari na pala sa aktres habang nasa Baguio sila. Bumaha ng luha si Coco nang magbigay ng eulogy sa lamay ni Jaclyn, kung saan ipinahayag ang kanyang inggit sa mga anak nito dahil sa pagiging mabuting ina.

Sa kabilang banda, hindi pa raw alam ni Coco kung paano ite-tackle sa kwento ang pagkawala ni Chief Espinas, ang karakter ni Jaclyn sa kanilang show, at kung paano ito makakaapekto sa takbo ng istorya. Sa isang episode ng "Cristy Ferminute," binanggit ni showbiz columnist Cristy Fermin na si Coco ang unang rumesponde kay Jaclyn nang hindi ito sumasagot sa mga tawag.