Vice Ganda, Viral sa Pabirong Pagalit sa Fast Food Drive-Thru Staff
Isang video ni Vice Ganda ang nagviral kamakailan kung saan pabiro niyang ipinakita ang kanyang "pagkagalit" sa staff ng isang fast food chain na kanyang ini-endorse. Sa kanyang latest vlog, ipinasilip ni Vice ang kanyang pagbisita sa drive-thru ng nasabing fast food. Matapos umorder, siya ay nagtungo sa drive-thru window para kunin at bayaran ang kanyang in-order.
Nang singilin siya ng staff, pabiro siyang nagalit at tanong kung bakit siya sisingilin gayong siya ang endorser. "Ako ang endorser ng McDonald’s, sinisingil niyo ‘ko? ’Di ba dapat libre na ‘ko?” ani Vice Ganda sa tonong pabiro. Agad namang nilinaw niya na biro lamang ang kanyang reaksyon at nagbayad nang eksaktong halaga.
Ang naturang video ay agad na kumalat at nagtrending sa social media, nagdudulot ng iba't ibang reaksyon mula sa mga netizens. Marami ang natuwa sa nakakatawang biro ni Vice Ganda, samantalang ang ilan naman ay nagbigay-pansin sa kanyang positibong pagtanggap sa bayad ng kanyang inorder.
No comments:
Post a Comment