Bago matapos ang 2023, humingi ng paumanhin ang "benggador" na personalidad sa social media na si Rendon Labador sa lahat ng mga artista at celebrity na maaaring "nasaktan" niya sa social media, matapos silang sitahin sa iba't ibang isyu.
"Bago magsimula ang bagong taon, gagamitin ko ang pagkakataong ito upang magbago. Nais kong humingi ng paumanhin sa mga taong maaaring nasaktan ko (kung nasaktan ko man kayo)," ayon kay Labador sa kanyang Instagram story noong Disyembre 31, 2023.
Kabilang sa mga artista na nakatanggap ng kritisismo mula sa kanya ay sina dating PBA player Marc Pingris, na kilala rin bilang "Pinoy Sakuragi," volleyball star Deanna Wong, Nadine Lustre, Alex Gonzaga, Paolo Contis, Andrea Brillantes, Lea Salonga, Cristy Fermin, Rosmar Tan-Pamulaklakin, Michael V, Kakai Bautista, Coco Martin, at ang magkasintahan na sina Vice Ganda at Ion Perez.
"Baguhin niyo ang inyong mga sarili para hindi ko na kailangang mang-sita pa. Magbago para sa Pilipinas," dagdag pa niya.
No comments:
Post a Comment