Kim Chiu, Handa Nang Umibig Ulit: 'In the Next Months!'

Sa isang media conference para sa upcoming teleserye na "Linlang," tinanong si Kim Chiu kung handa na ba siyang magmahal muli matapos ang kanyang matagalang relasyon kay Xian Lim. Ang tanong ay nagbigay aliw at tuwa sa audience at maging kay Paulo Avelino, ang leading man ni Kim sa nasabing serye.

Sa tanong ni MJ Felipe, "With everything that you’ve been through in life, would you still try to fall in love again?" nagbigay ng nakakakilig na sagot si Kim, "Ahmmm, oo naman. Hindi man sa ngayon muna, pero hopefully in the next… next months to come."

Inulit pa ni MJ ang tanong, at natuwa si Kim sa maugong na reaksyon ng audience. Tinanong siya ni MJ kung "months lang" ang hinihintay, at sinabi ni Kim na "Years, years… hindi oras..."

Habang tinatanong siya kung bakit naniniwala pa rin siya sa pag-ibig, sagot ni Kim, "Kasi ang love naman… marami namang kayang magbigay ng love and willing naman akong tumanggap. And basta! Kasali sa buhay ‘yon, so i-embrace natin lahat."

Ang pag-amin ng hiwalayan nina Xian at Kim ay naganap bago mag-Pasko noong 2023. Sa ngayon, marami ang naghi-ship sa tambalang Kim at Paulo, tinatawag na "KimPau," matapos ang tagumpay ng "Linlang" at ang kanilang pagtatambal sa "What’s Wrong with Secretary Kim," ang Philippine adaptation na darating.