Boss Toyo, Nag-Vlog Tungkol sa Pagbebenta ng Sports Car ni Daniel Padilla

Viral ang pinakabagong vlog ng businessman-vlogger na si Boss Toyo, ang "Pinoy Pawnstars," kung saan tampok ang pagbebenta ng isang auto dealer company sa sports car ni Daniel Padilla.

Nitong Lunes, January 15, naging usap-usapan ang pagbebenta ni Daniel ng kanyang Chevrolet Corvette Stingray C7. Ipinost ito ng auto dealer company sa Facebook, at nagbunga ng interes mula kay Boss Toyo.

Sa vlog, ipinakita ang dalawang representatives mula F2A Cars na nag-aalok ng orange Corvette Stingray ni Daniel kay Boss Toyo sa halagang P6.5 million. Ayon sa kanila, ito ang kauna-unahang sports car na binili ni Daniel.

Bumilib si Boss Toyo sa ganda ng sasakyan, ngunit nagsimula ang tawaran. Ang unang alok ni Boss Toyo ay P5.5 million, ngunit masyadong mababa para sa F2A Cars. Matapos ang ilang tawaran, hindi rin napagkasunduan ang presyo.

Isinulit ni Boss Toyo ang kanyang alok na P5.7 million, ngunit ito'y tinanggihan. Ang huli niyang alok na P5.8 million ay hindi rin tinanggap ng F2A Cars.

Sa huli, hindi tinanggap ni Boss Toyo ang sports car ni Daniel, at sinabi niyang hanggang P5.8 million lang siya.

Nagulat si Boss Toyo nang malaman na hati sina Daniel at Kathryn sa kita mula sa sports car. Ito ay nagbigay daan sa espekulasyon na ito ay bahagi ng mga ari-arian na paghahatian nina Kathryn at Daniel matapos ang kanilang hiwalayan. Ayon sa AutoDeal, nagkakahalaga ngayon ang Chevrolet Corvette Stingray C7 ni Daniel ng P12,571,888.00.